Есірткі қылмысына қарсы іс-қимыл жөніндегі қызметкерлер  есірткі таратты деген күдікпен екі жігітті ұстады, деп хабарлайды  @Pavlodarnews.kz тілшісі.

Облыстық полиция департаменті баспасөз қызметінің мәліметінше, елорда тұрғындары қашықтықтан заңсыз есірткі сатуға Павлодар қаласын таңдап, заңсыз интернет-дүкеннің мүддесі үшін тыйым салынған заттарды жеткізушілер болғаны анықталды. 

Жедел іздестіру іс-шараларын жүргізу барысында 28 жастағы адам ұсталды. Рэпердің тұрғылықты жерін тінту кезінде құрамында каннабис бар байлам  және ұялы телефон табылды. 

– Иесі 27 жастағы ер адам болып табылатын студияны тінту кезінде жазбалар мен өсімдік тектес есірткі құралдары, тауарды буып-түюге арналған электронды таразы мен ноутбук табылды, – деді облыстық полиция департаменті бастығының орынбасары Болат  Нұрсейітов.

Аталған факті бойынша Қылмыстық Кодекстің 297-бабының 3-бөлігі бойынша сотқа дейінгі тергеу жүргізілуде. Күдіктілерге қатысты қамауда ұстау түріндегі бұлтартпау шарасы таңдалды.