Өрт сөндірушілер төрт адамды эвакуациялады, оның біреуі – бала, деп хабарлайды  @Рavlodarnews.kz.

Облыстық ТЖД баспасөз қызметінің мәліметінше, 3 шілде күні сағат 22.20-да Олжабай батыр көшесі, 7/1 мекенжайы бойынша орналасқан тоғыз қабатты үйде өрт шыққаны туралы хабарлама түскен. 

–  Бірінші кіреберістің жетінші қабатында балконның қаптамасы, жалпы ауданы бес шаршы метр аумақта үй заттары жанды. Сндай-ақ өрт сегізінші қабаттағы балконға ұласып, линолеум, 0,5 шаршы метр аумақта ағаш конструкциялар жанды, – дейді департаментте. 

Тілсіз жау сағат 22.38-де ауыздықталып, сағат 22.52-де жойылды. Өрттің шығу себебі мен келтірілген  шығын көлемі анықталуда.