Өртпен күрес жеті сағаттан астам уақытқа созылды, деп хабарлайды @Pavlodarnews.kz тілшісі.

Облыстық Төтенше жағдайлар департаменті баспасөз қызметінің мәліметінше, жер асты газгольдерінде газ жанған. Өрт 18:15-те оқшауланып, 20:58-де толық сөндірілді. Қаза тапқандар мен зардап шеккендер жоқ.

Еске сала кетейік, өрт туралы хабар «101» пультіне 12 желтоқсан күні сағат 13:31-де түскен. Оқиға орнында жедел штаб құрылды. Адамдардың қауіпсіздігі мақсатында жақын орналасқан ғимараттардан 850-ден астам адам эвакуацияланды. Құтқарылған адамдарды жылыту үшін үш автобус және аталмыш орынды қоршауға үш полиция экипажы тартылды.