Қалпына келтіру жұмыстары жүріп жатыр, қаладағы су жүйесі қалыпты жұмыс істеуде, деп хабарлайды @Pavlodarnews.kz тілшісі.

«Павлодар-Водоканал» ЖШС баспасөз қызметінің мәліметінше, Назарбаев даңғылы мен Ломов көшесінің қиылысында кәріз құдығының төменгі дөңгелек бөлігі құлады. Қазіргі уақытта апатты учаскеде қалпына келтіру жұмыстары жүргізілуде.

Қалалық коммуналдық қызметтердің мәліметінше, бұл жағдай сумен жабдықтауға әсер еткен жоқ – су беру қалыпты режимде жалғасуда. Сондай-ақ кәріз жүйесі ағындарды толық көлемде қабылдап жатыр.