Бұл мәселе бойынша қала әкімдігіне көптеген сын айтылған, деп хабарлайды @Pavlodarnews.kz тілшісі.

Лермонтов көшесін жөндеу жұмыстары жалғасуда. Бригадалар сыртқы жарықтандыру, сумен жабдықтау және суару жүйелеріне арналған желілерді бөлшектеп, орнатып үлгерді. Қайта құрудың бірінші кезеңі қыркүйекте аяқталды, келесі кезең 2025 жылы басталады.

Жергілікті билік жөндеуден кейін Лермонтов көшесіне шығатын жол аздап тар болатынын, бірақ қозғалыс жолақтарының санына әсер етпейтінін ескертті. 

Өткен жылы «Discovery» дәмханасының жанындағы жаяу жүргіншілер жолы кеңейтілгеннен соң қала әкімшілігіне көп сын түскен. 

– Дәмхананың жанындағы жаяу жүргіншілер жолы бір метрге кеңейіп, жолды тарылтып жібергені үшін бізге көптеген шағым түсті. Қыс мезгілінде ешқандай қиындық болған жоқ. Әрі қарай Лермонтов көшесінің бойында жол бұрынғы ені бойынша қалады, – деп түсіндірді Павлодар қаласы әкімінің орынбасары Әнуарбек Аманов.

Жол тек «Discovery» маңындағы учаскеде тарылған күйде қалады.

Естеріңізге сала кетейік, велосипедшілер мен қоғамдық көлік үшін бөлек жолақтар, ал қиылыстардың барлық жағынан қауіпсіздік алаңдар енгізіледі. Жобалаушылардың болжамы бойынша, бұл жол-көлік оқиғалары санының азаюына ықпал етеді.

Лермонтов көшесіндегі жобаны аяқтауға шамамен 3,7 миллиард теңге бөлінген.