Павлодарда мәнерлеп сырғанаудан республикалық турнир өтеді
Қазақстанның әр өңірінен командалар шақырылып отыр, деп хабарлайды @Pavlodarnews.kz тілшісі.
Облыстық конькимен мәнерлеп сырғанау федерациясының мәлімдеуінше, 29-31 наурыз аралығында «Spring Ice» атты мәнерлеп сырғанаудан Республикалық турнир ұйымдастырылады. Айтулы додаға Қазақстанның түкпір-түкпірінен қатысу үшін командалар шақырылып отыр.
– Қала тұрғындары мен қонақтарын тамаша спорт түрінен ләззат алуға шақырамыз, – делінген хабарламада.
Өтетін орны: Қайырбаев көшесі, 87, ЖСШМ Мұз сарайы.
