Пайдаланушы ұйымдарға қатысты әкімшілік хаттама толтырылды, деп хабарлайды @Pavlodarnews.kz тілшісі.

Павлодар қаласы тұрғын үй инспекциясы және коммуналдық шаруашылық бөлімінің мәліметінше, өңірде жер үсті инженерлік құрылысын санитарлық талаптарға сай ұстамау фактісі тіркелген. 

– Ломов көшесі, 179/4 мекенжайында орналасқан тұрғын үй ауданында, жылу желісінің іргелес аумағында ағаштар мен бұталар түріндегі жасыл желектер, сондай-ақ тұрмыстық қоқыстар шашылып жатқан, – делінген хабарламада.

Сонымен қатар, Орталық өнеркәсіптік аймақ, 233 мекенжайы бойынша  да осындай  жағдай тіркелді. 

Аталған фактілер бойынша пайдаланушы ұйымдарға қатысты полиция өкілдерімен ҚР ӘҚБтК-нің 505-бабына сәйкес әкімшілік хаттама толтырылды. 

Айыппұл сомасы 1 млн 035 000 теңгені (300 АЕК) құрады.