Соның салдарынан тұрғынның зейнетақы жарналары төмен болған, деп хабарлайды @Pavlodarnews.kz.

Зейнеткер Павлодар қаласының прокуратурасына облыстық еңбек және халықты әлеуметтік қорғау комитеті департаментінің әрекетімен келіспеу мәселесі бойынша жүгінген.

– Уәкілетті орган өтініш берушіге 1989-1998 жылдар аралығындағы жеңілдетілген еңбек өтілін есептемегені анықталды. Бұл оның зейнетақы төлемдерінің көлеміне әсер етті, – деді облыстық прокуратураның баспасөз қызметінде.

Қадағалау актісіне сәйкес еңбек өтілі ескеріліп, зейнетақы жарналарының мөлшері көбейіп, қарт адамның конституциялық құқығы қорғалып, кінәлі тұлға жазаланды.