Ол жыл сайын өткізіледі, деп хабарлайды @Pavlodarnews.kz.

Облыстық футбол федерациясының мәліметінше, 11-15 желтоқсан аралығында  ҚР еңбек сіңірген жаттықтырушысы Виктор Ярышевты еске алуға арналған республикалық турнир ұйымдастырылады. Ол Ертіс өңірінде футболдың дамуына зор үлес қосты.

Биылғы жылы жарыс 2012 және 2013 жылы туған балалар командалары және футбол орталықтары мен академиялар арасында болады.

Дәстүрлі турнир жетінші жыл қатарынан өткізіліп келе жатыр.

–  Жарыстың мақсаты-футболды насихаттау, болашақ жас футболшыларды іздестіру, түрлі футбол және спорт мектептері арасындағы ынтымақтастықты нығайтып, үздік командалар мен ойыншыларды анықтау,– делінген хабарламада.

Турнирге қатысу үшін өтінімдер 8 (701) 984-98-33 нөмірі арқылы қабылданады.