Муралдар өткен жылы қалаға сыйлық ретінде тегін салынған, деп хабарлайды @Pavlodarnews.kz тілшісі.

Павлодардың жерасты өткелінде белгісіз вандалдар қар барысы бейнеленген қабырға мүсінін бүлдіріп кеткен. Олар жануарлардың көздерін бояп, құлақтарын зақымдап, суреттің фонын басқа түспен бояған. Бұл туралы мурал авторлары әлеуметтік желіде хабарлады.

Қалалық тұрғын үй-коммуналдық шаруашылық бөлімі вандалдарға арыз жазған болатын. 

– Ұсақ бұзақылық бойынша әкімшілік іс қозғалып, осы оқиғаға қатысы бар тұлғаны анықтау шаралары жүргізілуде. Құқық бұзушының әрекетіне оны ұстаған соң құқықтық баға беріледі, – деді облыстық полиция департаментінде.

Айта кетерлігі, қабырғаға салынған суреттер өткен жылы қалаға сыйлық ретінде тегін жасалды. Әлеуметтік желі қолданушылары муралдар қалпына келтіріледі деп үміттенеді.