Ол темекі тұқылын оқу орнының жанында тастаған, деп хабарлайды  @Pavlodarnews.kz тілшісі.

Облыстық полиция департаменті баспасөз қызметінің мәліметінше, бұзушылық Малайсары батыр көшесіндегі бейнекамера объективіне түсіп қалған. 

– Жедел басқару орталығының it-инспекторы бұзушылықты түсіріп, шақыруды жақын маңдағы автопатрульге тапсырды. Ер адам алысқа кетіп үлгермеді, полицейлермен сөйлескеннен кейін қоғамдық орындарды ластағаны үшін құқық бұзушы әкімшілік жауапкершілікке тартылды, – деді департаментте. 

Құқық бұзушыға 10 АЕК мөлшерінде айыппұл салынды.

Жедел басқару орталығының бейнекамералары кез келген ұсақ бұзушылықтардан қылмыстарға дейін тіркейді. 

Айта кетерлігі, жыл басынан бері полицияның бейнекамераларының көмегімен 399 түрлі құқық бұзушылық пен төрт қылмыстың жолы кесілді.