Оқиға түнде болды, деп хабарлайды @Pavlodarnews.kz.

Облыстық ТЖД баспасөз қызметінің мәліметінше, 12 қарашада түнгі сағат 01:20-да Жібек жолы көшесіндегі әуежай маңында автокөліктің кюветке түсіп кеткендігі туралы хабарлама келіп түсті.

– Оқиға орнына дереу құтқарушылар мен апаттар медицина орталығының қызметкерлері жіберілді. Жол-көлік оқиғасы кезінде автокөлік жүргізушісі қысылып қалғандығы анықталды,– деді департаментте.

Құтқарушылар арнайы құралдардың көмегімен жәбірленушіні алып шықты. Апаттар медицина орталығының бригадасы оған медициналық көмек көрсетіп, кейін Павлодар қаласының ауруханасына жеткізді.