Қала бойынша 200-ден астам қалпына келтірілмеген жол анықталды, деп хабарлайды @Pavlodarnews.kz тілшісі.

Облыстық полиция департаменті баспасөз қызметінің мәліметінше,  жол-техникалық инспекциясы тобының полиция қызметкерлері тұрғын үй инспекциясының мамандарымен бірлесіп, жол жұмыстары жүргізілгеннен кейін жол жабыны қалпына келтірілмеген учаскелерге тексеру жүргізді.

–  Облыс орталығы бойынша барлығы 210 учаске анықталды. Бұл аумақтарда жөндеу жұмыстары жүргізілгеннен кейін жол жабыны қалпына келтірілмеген, –  дейді департаментте. 

Тексеру нәтижесінде жолдарда жұмыстар жүргізу және күтіп ұстау жөніндегі талаптарды орындамағаны үшін «Павлодар жылу желілері», «Гранна Строй», «АП-Импэкс», «ПЭТК» АҚ және «Павлодар - Су Арнасы» ЖШС-не  15-тен 30 АЕК-ке дейінгі мөлшерде әкімшілік айыппұл  салынды.