Сонымен қатар, павлодарлық бокс кешіне қатысатын тағы бір жұп анықталды, деп хабарлайды @Pavlodarnews.kz тілшісі.

Fight Nights Global промоутерлік компаниясының өкілдері жазғандай, Павлодардағы турнир осы тамаша спорт түрінің жанкүйерлері үшін нағыз мереке болмақ. Қаламызда павлодарлық «Ноғай» Фаниль Рафиков пен «Қасапшы» Ахмед Әлиевтен бөлек тағы сегіз жекпе-жек өтеді.

«Іс-шараның мақсаты – тек қана әсерлі және тартысты жекпе-жектерді көрсету ғана емес, сонымен қатар жастарды және халықтың барлық топтарын спортқа белсене тарта отырып, салауатты өмір салтын насихаттау. Мұндай шаралар Қазақстанда және одан тыс жерлерде спорт пен боксты танымал ету жолындағы маңызды қадам екеніне сенімдіміз», - деп жазады ұйымдастырушылар.

Ұйымдастырушылар уәде еткендей, бокс кешінің көркін қазақстандық ММА жұлдызы Жалғас Жұмағұлов қыздырмақ. Оның қарсыласы бұрынғы UFC жауынгері, америкалық Джастин Скоггинс болатыны белгілі болды. Аралас жекпе-жек шебері және бұрынғы толық контактілі кикбоксшы қазір Rizin Fighting Federation жекпе-жек федерациясында өнер көрсетеді.

Бокс кеші 27 ақпанда Астана мұз сарайында өтеді. 18:00-де басталады. Рингтегі жекпе-жектерден бір күн бұрын ұйымдастырушылар БАҚ өкілдерінің қатысуымен хоккей шоу матчын өткізуге уәде беріп отыр.

Бокс кешінің билеттерінің құны мінберде 2500 теңгеден, ал партерде 25 000 теңгеге дейін барады. Билеттер ticketon.kz сайтынан алуға болады.