Оларға қылмыстың салдарын айқын көрсететін бейнероликтер көрсетілді, деп хабарлайды @Pavlodarnews.kz тілшісі.

Облыстық полиция департаменті баспасөз қызметінің мәліметінше, өңіріміздегі мектепте ата-аналардың қатысуымен жиналыс өтті.

Іс-шара аясында ювеналды полиция қызметкерлері диалог алаңы форматында кездесу өткізіп, жастар арасындағы проблеманы талқылады.

–    Жасөспірімдердің құқыққа қайшы әрекеттері үшін жауапкершілік ел заңнамасы шеңберінде қолданылады. Полицияның негізгі міндеті: балаларды «жеңіл ақша» ұсынатын және қылмыстық «ойындарға» тартатын әлеуметтік желілердің әсерінен ескерту, жолын кесу және қорғау. Ата-аналарға қылмыстың салдарын айқын көрсететін бейнероликтер көрсетілді. Сондай-ақ, есірткі заттарын таратумен айналысатын оқушыларды ұстаудың нақты жағдайлары туралы айтылды, – деді департамент.

Ата-аналар талқылауға белсенді қатысты. Оқушылардың бірінің анасы балаларға жабық мекемелерге рейд жүргізуді ұсынды, осылайша балалар өздерінің еркеліктерінің қандай салдарға әкелетінін өз көздерімен көреді. Мұндай рейдтер балалар үшін нағыз соққы болуы мүмкін және болашақта қателіктерден аулақ болуға көмектеседі.

–   Ашық қарым-қатынастар мен сенімді әңгімелер – бұл баланы тәрбиелеудің ең бастысы. Әрбір ата-ана баласының әлеуметтік ортасы мен баратын жерін ғана емес, сонымен бірге қандай әлеуметтік желілер қызықтыратынын да білуі керек. Баланың уақытын бақылауға тырысыңыз. Өзіңізден бастаңыз, балаларға үлгі көрсетіңіз, балалармен мүмкіндігінше көп уақыт өткізіңіз, – деп кеңес берді ведомствода.

Заңды өкілдерге кәмелетке толмағандардың қылмыстық жауапкершілігі және ата-аналардың балалардың қылмыстары үшін жауапкершілігі туралы еске салды.

Тәртіп сақшылары балалар заңға бағынатын және парасатты болып өсуі үшін оларға дұрыс таңдау деген не екенін мысалмен ата-аналар өздерінен бастап көрсету керектігін түсіндірді.