Біздің қыздар Үндістан шахматшыларынан кейінгі екінші орында, деп хабарлайды @Pavlodarnews.kz тілшісі.

Венгрияда 45-ші Шахмат олимпиадасы өтті, онда Қазақстан әйелдер құрамасы күміс медаль жеңіп алды. Жаттықтырушылар штабын ұлттық құрама капитаны, аты аңызға айналған павлодарлық Павел Коцур басқарды. 

Алғашқы төрт турда біздің отандастарымыз Бибісара Асаубаева, Меруерт Камалиденова, Ксения Балабаева, Амина Қайырбекова және Алуа Нұрман Уругвай, Финляндия, Аустрия және Сербияны жеңді. Бесінші турда қазақстандықтар үнді қыздарынан жеңіліп, турнирде екінші орынды иемденді.

«Мен команданы мақтан тұтамын, жаттықтырушылар мен ата-аналарға ризамын және екі жылдың ішінде біз осындай нәтижеге қол жеткізе алғанымызға өте қуаныштымын. Жинақталған тәжірибе мен жеңіске деген құштарлық бізде міндетті түрде «алтын» болады, ал біз өзімізді бүгін жеңімпаз деп санай аламыз», - деп құттықтады Қазақстан шахмат федерациясының президенті Тимур Тұрлов.

Құрамында павлодарлықтар Денис Махнев пен Әлішер Сүлейменов барерлер құрамасы да жақсы өнер көрсетіп, қорытынды 17-орынға ие болды.