Олар қыста құстардың өмір сүру ерекшеліктерімен танысты, деп хабарлайды @Pavlodarnews.kz тілшісі.

Экология және туризм орталығы жанындағы балалар -жасөспірімдер экология және туризм орталығының тәрбиеленушілерімен бірлесіп, «Құс қанатындағы арман» атты іс-шара өткізді.

Акцияның мақсаты – құстардың санын, түрлердің әртүрлілігін сақтау, оқушыларды табиғатты қорғап, қыстайтын құстардың проблемаларын шешуге үйрету.

–   Акцияға орталықтың 100-ге жуық тәрбиеленушісі экологиялық - биологиялық кешені аумағында құстарға арнап өздері жасаған қоректендіргіштерге тары, күнбағыс тұқымы, жарма, нан, жидек жемістері секілді әртүрлі жемдерді салып, құстарды тамақтандырды, – деді бұқаралық бөлім меңгерушісі Айнұр Қасымова. – Олар тек шара кезінде емес, күнделікті өмірде жиі келіп, құстарды тамақтандырып тұрады.

Балалар жануарлар фотографы Кәрімжан Жәкеновпен кездесті. Әрі көрме ұйымдастырылып, өлкемізде қыстап жатқан құстардың өмір сүру ерекшеліктерімен танысты.

Айта кетейік, акцияға 20 қаңтардан 20 ақпан аралығында қала мектептерінің оқушылары жасаған жұмыстарын жіберіп отырады. Қорытынды 20 қаңтар күні шығарылады.