«Ertis» ерлер командасы Ұлттық лигада жеңіске жетті, деп хабарлайды @Pavlodarnews.kz тілшісі.

Павлодарлықтар сырт алаңда ақтөбеліктерді 93:72 есебімен жеңді. Бұл Бранислав Грегорич командасының биылғы маусымдағы алғашқы жеңісі. Ең көп ұпайды Әли Исағұлов жинаса, Назим Әділбеков одан бір ұпайға қалып, павлодарлықтардың еншісінде тиісінше 23 және 22 ұпай бар.

9 желтоқсан күні павлодарлықтар ақтөбеліктермен тағы да кездеседі. Павлодарда жерлестеріміз мереке күндері өнер көрсетеді: 16 және 17 желтоқсанда «Ertis»  тағы бір батысқазақстандық команда – ақтаулық «Каспийді» қабылдайды. Матчтың басталуы сағат 18.00-де №2 спорт мектебінің (бұрынғы «Автомобилист» СК) алаңында өтеді.

Бір күн бұрын осы алаңда «Ertis» әйелдер командасы Ұлттық лига аясында астаналық «Tigers» командасын қабылдады. Өкінішке орай, павлодарлық команда «жолбарыстардан» 86:45 есебімен жеңіліп қалды. 9 желтоқсанда Жұлдыз Байдүйсенованың командасы қарымта қайтаруға тырысады. Ойын сағат 15.00-де №2 спорт мектебінде басталады. Кіру тегін.