«Атамекен» өңірлік кәсіпкерлер палатасы қалалық және аудандық кәсіпкерлер кеңесіне кіруді ұсынды, деп хабарлайды @Pavlodarnews.kz тілшісі.

Қазір бизнестің заңды мүдделері мен құқықтарын күзететін аталмыш кеңестер бірқатар аудандар мен қалалардағы құрамдарын жаңартуда.

Кәсіпкерлер кеңесінің қатарын толықтыру үшін төменде көрсетілген құжаттар пакеті талап етіледі:

1. Аудандық немесе қалалық кәсіпкерлер кеңесінің мүшелігіне кандидаттың еркін нысандағы өтініші (сала санатын көрсете отырып);

 2. Кәсіпкерлік субъектісін мемлекеттік тіркеу туралы куәліктің немесе мемлекеттік тіркеу туралы анықтаманың көшірмесі;

3. Үміткердің түйіндемесі (фотосуретпен);

4. Кандидаттың жеке куәлігінің көшірмесі;

5. Кәсіпкерлік субъектісінің қатысушылары туралы белгіленген нысандағы анықтама (тіркелген заңды тұлға, филиал немесе өкілдік туралы анықтама не бағалы қағаздардың бірыңғай тіркеушісінен анықтама (тек Акционерлік қоғамдар үшін);

6. Беру мерзімі күнтізбелік он күннен аспайтын соттылығының жоқ немесе бар екендігі туралы анықтама.

Тілек білдірушілер «Атамекен» ӨКП аудандық және қалалық филиалдарына жүгіне алады.