«Ертістің» бас бапкері Қайрат Нұрдәулетов бұл мақсатқа жетудің алғышарттарын атап айтты, деп хабарлайды @Pavlodarnews.kz тілшісі.

Жуырда Бірінші лигада тұңғыш рет доп тебетін  павлодарлық футболшылар біріншілікке қызу дайындық үстінде. Жаттығулардың бірі БАҚ өкілдері үшін ашық өтті. Команданың бас бапкері журналистердің сұрақтарына жауап берді.

- Мен осындай атақты клубты басқарып отырғаныма өте қуаныштымын, - деді Қайрат Нұрдәулетов. – Облыс әкімімен сөйлескенде ол «Ертістің» жоғарыда болуы керектігін тапсырма ретінде атады. Біз бұл мәселені шешу үшін бәрін жасаймыз. Бұл жанкүйерлердің қолдауын қажет етеді.

Павлодарлық бапкер қарағандылық «Шахтермен» қатар «Ертіс» Бірінші лигадағы отандық ойыншыларға арқа сүйейтін маңызды командалардың бірі екенін атап өтті.

- Бізде павлодарлықтар көп, олар ойнай алады. Біз жергілікті ойыншыларды қолдап, олардың ұлттық құрамаға дейін өсіп, жұлдызға айналуы үшін қажеттінің бәрін жасаймыз. Олардың жаттығудағы құлшынысына, көзқарасына қарап, жақсы команданы көресіз деуге болады. «Ертіс» шабуылдаушы футбол ойнауы керек, - деді бас бапкер.

Команданың «Каспийден» ауыр жеңілісіне және Қазақстан Кубогынан шығып қалуына келсек, «Ертіс» бапкері барлық кінәні өз мойнына алды. Оның ойынша, жаттықтырушылар штабы қарсыластың мүмкіндіктерін қате бағалап, ротация мен тактика таңдауда қателіктер жіберген.

9 сәуірде команда Бірінші лига чемпионатындағы алғашқы ойынын өткізсе, 7 сәуірде орталық стадионда ойыншылардың тұсауы кесіледі.