Байқау мемлекеттік тілде өтеді, деп хабарлайды @Pavlodarnews.kz.

С.Торайғыров атындағы облыстық әмбебап ғылыми кітапханасының «Айтолқын»  жобасы аясындағы  «Дана келін, дара келін» атты онлайн байқауы ұйымдастырылады. Байқаудың мақсаты – ене мен келіннің сыйластығын, қазақтың салт-дәстүрін, өнерін, қолөнерін, ұлттық тағамдарын насихаттау, қазақ халқының әдеби мұраларын дәріптеу. 

Байқауға бейнероликтер қазақ тілінде қабылданады. Қатысушы бейнероликті өз Instagram желісіне салып, @pavlodarlibrary парақшасын белгілеу қажет. Жұмыстар 11 қараша-12 желтоқсан аралығында қабылданады. 

Қатысушыларға қойылатын талаптар: 

• pavlodarlibrary парақшасына тіркелу қажет;
• «Мен келінмін» (өзін-өзі таңыстыру) 2-3 минут;
• «Өнерлі келін» (би билеу, ән шашу немесе сүйікті ұлттық тағам ұсыну) 2-3 минут;
• «Өнегелі келін» (қазақ салт-дәстүрін көрсету) 2-3 минут.

Ұсынылған бейнероликтердің тақырыпқа сәйкестігі, сапалылығы, креативтілігі, монтаждалуы, шеберлігі бағаланады. Байқаудың қорытындысы лайк, пікір, қаралым саны бойынша шығарылады. Жеңімпаздар арнайы дипломдармен, алғыс хаттармен және сыйлықтармен марапатталады. Байқау қорытындысы 11 желтоқсан күні pavlodarlibrary ресми сайтында жарияланады.

Қосымша мәлімет алу үшін 8 777 458 92 04 Ақмарал Бектұрсынқызы, 8 777 272 32 76  Анель Ерланқызымен хабарласуға болады.