Дәріске қатысушылар салт-дәстүр туралы тың деректермен танысты, деп хабарлайды @Pavlodarnews.kz тілшісі.

Г.Н. Потанин атындағы облыстық өлкетану музейінің қызметкерлері Айнакөл жалпы орта білім беру мектебінің оқушыларына қала өңірінің тарихы мен этнографиясы, табиғаты және жан-жануарлар әлеміне қатысты дәріс оқыды.

Дәріс барысында оқушыларға Павлодар Ертіс өңірінің табиғи байлығы, жануарлар мен өсімдіктер әлемі туралы қызықты мәліметтер ұсынылды.

 – Мұндай кездесулер оқушылардың туған жерге деген сүйіспеншілігін арттырып, өлкенің тарихи-мәдени мұрасын құрметтеуге тәрбиелейді, – дейді музей қызметкерлері.

Сонымен қатар, дәріске қатысушылар қазақ халқының мәдениеті мен салт-дәстүрі туралы тың деректер үйренді.