Алғаш рет  еліміздің 17 өңірінде аудандық әкімшіліктердің басшыларына дауыс берілуде, деп хабарлайды  @Pavlodarnews.kz.

Марғұлан университетінің  стратегиялық даму және әлеуметтік жұмыс жөніндегі проректоры Серік Ілиясовтың пікірінше, бір жағынан аудан әкімдерін сайлау заңдылық деңгейін, ал екінші жағынан қазақстандықтардың олардың жұмыс сапасына деген талаптарын да арттырады.

– Бұл партиялардың жария саясатқа қатысуын кеңейтумен бірге елдің саяси жүйесінің тұрақтылығына, жергілікті жерлерде мемлекеттік басқару сапасын арттыруға алып келеді, – деп есептейді саясаттанушы.

Сарапшы аудандардағы үміткерлер арасындағы бәсекелестік деңгейі әлі де төмен болғанымен, уақыт өте келе өсетінін айтады.

– Бұл азаматтардың сайлау процестеріне қатысуын арттырады, билік пен қоғам арасындағы байланысты дамытады, халықтың кандидаттар мен әкімдерге деген сайлау алдындағы бағдарламалардың орындалуы бойынша талаптарын күшейтеді, – деп атап өтті Серік Ілиясов.

Естеріңізге сала кетейік, Павлодар облысында әкімдер Шарбақты, Ақтоғай және Железин аудандарында таңдалады.