Экспозицияға 60-қа жуық жұмыс қойылады, деп хабарлайды @Pavlodarnews.kz.

Көрме Нағымбек Нұрмұхаммедов атындағы Павлодар облыстық көркемсурет музейінде болады.

- Сисенғали Тіленбаев түрлі жанрларда жұмыс істейді. Яғни пейзаж, портрет, сюжеттік кескіндеме. Сүйікті мотивтері Ертіс өңірі мен Баянауылдың ландшафттары. Бұл жерлердің суреттері реакцияның жеделдігімен және ерекше эмоционалды түсімен ерекшеленеді, - делінген хабарламада.

Сисенғали Тіленбаевтың пейзаждық жұмыстарында туған жердің бейнесі адам мен табиғат үйлесімінде қайта жасалып, оның бейнелеу құралдарының поэтикасы қазақ өнерінің ұлттық дәстүрлерімен тығыз байланысты. Қала пейзаждарында әрқашан адам бар. Портреттерде сурет әрқашан модельге деген сезімтал көзқараспен белгіленеді. 

Суретші тек майлы бояулармен ғана емес, сонымен қатар су бояуларымен де жұмыс істейді. Оның акварельдері осы күрделі техниканы шебер меңгергендігін көрсетеді. Кескіндеме тәжірибесі суретшіге табиғатты немесе адамды бейнелеп қана қоймай, сезімдердің шынайылығы мен тіршілігін жеткізуге мүмкіндік береді. 

Суретші 1991 жылдан бастап Қазақстан суретшілер Одағының мүшесі. Көптеген облыстық және республикалық көрмелердің қатысушысы. «Тау-Түрген» халықаралық пленэрінің қатысушысы (1993). Шығармалар Павлодар облыстық көркемсурет мұражайының қорында, Қазақстан, Ресей, Германия, Швейцария және т. б. жеке коллекцияларында бар. 

Көрменің ашылуы 5 қыркүйек күні сағат 16:00-де облыстық көркемсурет музейінде болады.