18 жасқа дейінгі Қазақстанның жасөспірімдер құрамасына сегіз павлодарлық ойыншы енді, деп хабарлайды @Pavlodarnews.kz тілшісі.

Никита Ефимовтің шәкірттері Бекарыс Базарбек, Артур Марков, Вадим Кайсин, Даниил Аршинов, Максим Болдырев, Владислав Конев, Кирилл Торчаков және Иван Шапошников IHF Trophy турнирінің Азия кезеңіне қатысу үшін Үндістанға аттанады. Турнир Лакхнау қаласында 3-7 қаңтар аралығында өтеді. Жарыс IHF Trophy континентаралық кезеңіне іріктеу жарысы болып табылады.

IHF Trophy континентаралық турнирі жылына екі рет өткізіледі. Бұған дейінгі жеребе Коста-Рикада өтіп, Кубаның жеңісімен аяқталды. Финалда Кубалықтар Тайваньді ұтса, үшінші орын үшін өткен кездесуде АҚШ құрамасы Парагвайды жеңді.

Сонымен қатар, Үндістанда қазақстандықтар Испанияда өтетін жасөспірімдер арасындағы әлем чемпионатының жолдамасын сарапқа салады.