Өңірлік бөліністе облыста жан басына шаққанда 4,1 келі тұтынады, деп хабарлайды  @Pavlodarnews.kz тілшісі.

Energyprom.kz сарапшыларының мәліметінше, елімізде Батыс Қазақстан облысында балық және теңіз өнімдерін көбірек тұтынады: тоқсанына жан басына шаққанда 5,4 кг. Бұдан әрі Шығыс Қазақстан және Солтүстік Қазақстан облыстары: әр өңірде 5,3 кг. Шымкентте тұтынудың ең аз көлемі байқалды: 1,6 кг. Павлодар облысы бұл рейтингте жетінші орында тұр. 

Қазақстанда балық пен теңіз өнімдерінің бағасы 2025 жылдың наурыз айының қорытындысы бойынша өткен жылдың сәйкес айымен салыстырғанда 10,6%-ға өскен. 

Өңделген және консервіленген балықтар 13,3%, жаңа ауланған немесе мұздатылған балықтар мен теңіз өнімдерінің бағасы 8,6% қымбаттады. Өңделген өнімдердің ішінде суық ысталған скумбрия (18,2%), тұздалған майшабақ (17,5%), қызыл уылдырық (10,6%), майдағы шпроттар (8,1%), дәмді балық консервілері (6,6%) және дәмді тұздалған балық (4,5% - ға) бағасы айтарлықтай өскен. 

Жаңа ауланған және мұздатылған өнімдерінің санатында мұздатылған балықтар 10,8%, жаңа немесе салқындатылған балықтар 8%, мұздатылған тазартылған асшаяндар 5,5% қымбаттады. Өңірлік бөліністе сектордағы бағалардың ең көп өсуі Ақтөбе (19,3%), Алматы (18,1%), Ақмола (16%), Павлодар (14,4%) және Түркістан (12,6%) облыстарында байқалады.