Оқу курсы үш күнге созылады, деп хабарлайды @Pavlodarnews.kz тілшісі.

Жастар бастамаларын дамыту орталығы баспасөз қызметінің мәліметінше, 1-3 тамыз аралығында сағат 17:00-ден 18:00-ге дейін «IT-дизайндағы интенсив: негіздер үш күнде» атты курсы өтеді. Курсты «The Trend Academy» қысқа мерзімді курстық жобасы аясында @itstep.pavlodar орталығы ұйымдастыруда.

– 1 тамыз күні қатысушылар «Figma» және «Figjam» бағдарламасын қолданып, графикалық дизайнды, атап өткенде «Instagram-сторис» пен сайттың бірінші бетіне баннер жасауды үйренеді. 2 тамыз күні «Blender» бағдарламасы арқылы модельдеуді зерттеп, кәсіби тәсілмен бірінші жобаны жасап көреді. 3 тамыз күні motion-дизайнның негізін зерттеп, графикалық анимация жасайды, – дейді ұйымдастырушылар. 

Үш күн ішінде визуалды және функционалды дизайнның негізгі принциптерін үйреніп, оларды іс жүзінде қолдану үшін +7(707)665-58-03 WhatsАpp нөмірі арқылы курсқа жазылуға болады. Орындар шектеулі.

Өтетін орны: Ак. Сәтбаев көшесі, 46, 1 қабат, 102-ші кабинет.