Бұл жаңашылдық келесі жылдан бастап енгізіледі, деп хабарлайды @Pavlodarnews.kz тілшісі.

2025 жылдан бастап тұрғындар облыстық емханаларынан бірқатар медициналық анықтаманы тек электронды форматта алатын болады. Бұл туралы денсаулық сақтау басқармасы мәлімдеді. Бағдарламаға сегіз құжат кіреді:

• Еңбекке жарамсыздық парағы;
• 075/у медициналық анықтама;
• Дәрігерлік-консультациялық комиссияның қорытындысы (ДКК) 026/у;
• Көлік жүргізуге рұқсат беретін анықтамасы 073/у;
• Санитарлық-курорттық карта 069/у;
• Бала денсаулығы паспорты 052-2/у;
• 076/у қаруға рұқсат алу анықтамасы;
• Уақытша еңбекке жарамсыздық туралы анықтама 038/у.

Денсаулық сақтау басқармасының сөзінше, павлодарлықтарға ыңғайлы болу үшін онлайн форматқа көшіру жүргізіледі.

Өз жеке медициналық деректеріңізді eGov мобильді қосымшасында «eDensaulyq» бөлімінде табуға болады.