@Pavlodarnews.kz тілшісі жаңа жылдық оливье салатының құнын зерттеді. Бағалар Павлодардағы ең танымал супермаркеттер желілерінен сұрыпталды.

Көптеген адамдар жаңа жылды оливьемен байланыстырады. Оның құрамы қарапайым және әр үй шаруасындағы әйелдің ас үйінде табылады.

Бір килограмм оливье үшін сізге келесі пісірілген көкөністер қажет: 250 грамм картоп, 120 грамм сәбіз. Сондай-ақ, төрт қайнатылған жұмыртқа, 90 грамм маринадталған қияр, 140 грамм консервіленген бұршақ және 300 грамм шұжық. Кеңес заманында классикалық оливье тек пісірілген шұжықпен дайындалды. 

Оған дәстүрлі түрде майонез қосылады. Тұз, қара бұрыш және шөптерсіз салат дәмді шықпайды.  

Әдетте, барлық салаттар жүз граммнан қойылады, бірақ оливьенің салмағы ауыр, оның бір порциясы 130-150 граммға шығуы мүмкін. Ең қымбат ингредиент – бұл  докторлық шұшық 350 теңге. Тағы 273 теңгеге жасыл бұршақ, 236 теңгеге жұмыртқа, 109 теңгеге маринадталған қияр және 300 теңгеге майонез жұмсалады. Картоп пен сәбізге 70 және 13 теңге қажет. Үйдегі жасалған оливье үшін барлығы 1351 теңге, супермаркетте 2550 теңге жұмсалады.

Жасыл бұршақты консервіленген жүгеріге немесе қайнатылған бұршаққа ауыстыруға болады. Соңғысы салатты арзандатады. Шұжықтың орнына пісірілген тауық еті, күркетауық, сиыр еті, бұзау етін қосуға болады.

Сарапшылар дайын салатты түні бойы жаңа жылдық үстелде қалдырмауға кеңес береді, оны тоңазытқышқа салған дұрыс. 

Естеріңізге сала кетейік, 31 желтоқсан күні сағат 23:00-де Павлодардың орталық алаңында ойын-сауық бағдарламасы басталады. Шыршаның алдында әртістер өнер көрсетеді, викториналар мен би кеші өтеді. Мереке отшашумен аяқталады.