Спортшылар әлі іріктеу турнирлерін аяқтаған жоқ, деп хабарлайды @Pavlodarnews.kz тілшісі.

45 қазақстандық спортшы Парижде өтетін жазғы Олимпиадаға бару құқығын алды. Кейбір спорт түрлерінде біліктілік жалғасуда, сондықтан лицензиялар саны артуы мүмкін. Оларды павлодарлықтар да бағындыра алады.

Спорт және дене шынықтыру басқармасының мәліметінше, Павлодар облысының бес спортшысы Парижге жолдамаға таласуда. Велоспорттан Рината Сұлтанова, батут гимнастикасы бойынша Виктория Бутолина, жеңіл атлетикадан Ольга Сафронова мен Александра Залюбовская. Садақшы Александр Медведев паралимпиадаға баруды жоспарлап отыр.

– Ол ұпай жинай алатын бірнеше рейтингтік турнирлерге қатысады. Александр рейтингте 40-шы, ал оның ықтимал қарсыласы 42-ші орында. Санаулы жарыстар қалды, содан кейін лицензияны кім алатыны шешіледі, – деді спорт және дене шынықтыру басқармасы басшысының орынбасары Нұрлан Есембаев.

ХХХІІІ жазғы Олимпиада ойындары 26 шілде мен 11 тамыз аралығында өтеді. Бағдарламаға спорттың 32 түрі енгізілді. Ойындар Парижде соңғы рет жүз жыл бұрын өткен болатын. Биыл бірінші рет медальдер брейкинг бойынша беріледі.

Токио өткізген соңғы Олимпиадада қазақстандықтар жазғы ойындар тарихындағы ең нашар нәтиже көрсетті. Одан кейін спортшылар сегіз қола медальға қол жеткізді.