Акция 31 қаңтарға дейін жалғасады, деп хабарлайды @Pavlodarnews.kz тілшісі.

Облыстық орман шаруашылығы және жануарлар дүниесі аумақтық инспекциясының мамандары Усолка шағын ауданын аралап, 45 кесілген шыршаны жинап, Ворушин көшесі, 92 мекенжайына қайта өңдеуге жеткізген. 

– Бұл шыршалар табиғатқа пайда әкеледі. Бұтақтары мен қылқандары «Ертіс өзенінің жайылмасы» қорығында мекендейтің аңдарға, ас және төсеніш ретінде пайдаланатын болады, – дейді инспекция мамандары. 

Діңгектері «Надежда» паналау үйін жылытуға отын ретінде пайдаланылады. 

Шыршаларды қабылдау бекеттері: «Квазар» сауда үйі, Қамзин және Ломов көшелерінің қиылысында (Дөңгелек жөндеу орны), Ворушин көшесі, 92.

Акцияға қатысушыларға бонус ретінде шыршаны тапсырған әр адамға табиғатқа көңіл бөлгені үшін шоколадтар сыйға беріледі.