Будың құрамында канцерогендер бар, деп хабарлайды @Pavlodarnews.kz тілшісі.

Қалалық санэпидбақылау басқармасының мәліметінше, электрондық темекінің буы ағзаға аса қауіпті. Улы заттардың әсері аллергия, астма, пневмония, жүрек-қан тамырлары ауруларының өршуіне себеп болуы мүмкін. Электронды буландырғыштарды шегу кезінде адам түтін емес, буды жұтады. Будың құрамында болатын кейбір заттардың бөлігі өкпеге еніп, қалғаны қоршаған ортаға тарайды. Электрондық темекі шегу нәтижесінде пайда болатын будың құрамында жану өнімдері жоқ, бірақ бұл сұйықтық тыныс алу жолдарының жұмысын қиындатады. Бұл оттегі аштығын тудырып, ағзаның қартаюын тездетеді.  

Сонымен қатар, әр адамның белгілі бір затқа реакциясы дара. Электрондық темекіге ауысқанда, шылымқұмарлар көбінесе әдеттегі сезімдерді ала алмайды. Бірдей «күштілікке» ұмтылып, кейбіреулер сұйықтықтағы никотин дозасын жиі арттыра бастайды. Содан кейін ағзаға бұрынғыдан да көп никотин түседі.

Никотиннің бір бөлігі буда қалады, сондықтан басқалары оны еріксіз жұтуы мүмкін. Электрондық сұйықтықтағы глицерин мен пропиленгликоль буға айналғанда улы компоненттерді шығаруы мүмкін. Сонымен қатар, таяқшаларда темекіде кездеспейтін токсиканттар бар. Олар денсаулыққа зиянды болуы мүмкін, созылмалы аурулардың даму қаупін тудырады.