Оларды биыл пайдалануға беру жоспарлануда, деп хабарлайды @Pavlodarnews.kz тілшісі.

Агроөнеркәсіп кешені саласында Ертіс ауданында құны 2,7 миллиард теңгені құрайтын бес инвестициялық жобаны жүзеге асыру басталды. Бұл туралы Павлодар облысының әкімі Асайын Байхановтың Ертіс ауданына жұмыс сапары барысында аудан әкімі мәлім етті.

Ең қымбат жоба – Қарақұдық ауылындағы «KM Ertis Agro» жауапкершілігі шектеулі серіктестігі. Суармалы егістік алқабын салуға үш миллиард теңге бөлінген. Кешен 498 гектар жерді алып жатыр. Бұл жерден гектарына 280 центнерден өнім алынады деп жоспарлануда.

Келесі қымбат инвестиция «Западный» шаруа қожалығының ет өңдеу кешенінің құрылысы болып саналады. Жоспарланған инвестиция көлемі – бір миллиард теңге. Жылына 1500 тоннаға дейін консервілер, шұжықтар, жартылай фабрикаттар мен салқындатылған ет өндіру жоспарлануда. Зауыт 2026 жылдың желтоқсан айында ашылады.

Ағымдағы жылдың желтоқсан айында «Бірлік» шаруа қожалығының астықты қабылдау, өңдеу және сақтаумен айналысатын астық өңдеу кешені іске қосылады. Бұл жобаға 350 миллион теңге инвестиция тартылды.

Тағы ауданда 300 миллионға 15-20 жұмыс орны бар 1300 шаршы метр сауда нысаны салынуда.

Сондай-ақ, ролл жалюзи мен пластик терезелер шығарылатын жаңа өндірістік-сауда нысанына 50 миллион теңге инвестиция тартылды. Ғимаратта сауда орны мен дәнекерлеу цехы да болады.

Сонымен қатар, Ертіс ауданында инвестициялық жобалар пулы жұмыс істейді. Ай сайын инвестициялық жобалардың бастамашыларымен және жас кәсіпкерлермен кездесулер өткізіліп, онда дамудың перспективалы бағыттары талқыланады. Жас кәсіпкерлердің Қытайға сапары жоспарланған.