«Ertis» Ұлттық волейбол лигасының үшінші турындағы ойындарын аяқтады, деп хабарлайды @Pavlodarnews.kz тілшісі.

Финалдық кездесуде павлодарлық команда алаң иелері петропавлдық «Қуанышпен» кездесті. Өкінішке орай, біздің қыздар тағы да қарсыластарына қарсы мардымды қарсылық таныта алмай 3:0: 25:17, 25:10, 25:12 есебімен жеңіліп қалды. «Ertis» тура бір сағатта тізе бүкті.

«Ару-Астанамен» өткен алғашқы матчтағы жеңісті есептемегенде, павлодарлық команда үшін үшінші айналым аса сәтті болған жоқ. Одан кейінгі алты кездесуде де «Ertis» бір сағаттың ішінде 3:0 есебімен жеңіліп қалып жүрді. Екінші жағынан, қыздарымыз Петропавлда ғана алғашқы жеңісіне қол жеткізді. Нәтижесінде, «Ertis» екі ұпаймен турнир кестесінің соңғы орнында келеді. Соңғы тур алдындағы көшбасшылықты оның болашақ иелері Талдықорғанның «Жетісу» командасы жұлып алды.

Ал Жетісу астанасында ерлер командалары Ұлттық лиганың үшінші турын бастағалы жүр. «Pavlodar» кестенің бел ортасында келеді және бірінші ойынды алаң иелері «Жетісуға» қарсы өткізеді. Ойынды сағат 18.30-да Қазақстан волейбол федерациясының YouTube-тегі ресми арнасынан тамашалауға болады. Тур 30 қаңтарға дейін жалғасады.