Тегін сапарға бару үшін алдын ала жазылу керек, деп хабарлайды @Pavlodarnews.kz.

Жастар бастамаларын дамыту орталығы «Tarihtyn Izimen!» жобасы аясындағы Павлодар облысының қасиетті орындарымен танысу үшін тегін сапар ұйымдастырады.

– Сапарлар апта сайын екі рет ұйымдастырылады. Бағдарламада тарихи ескерткіштер, табиғат көріністері және өңірдің ерекше орындары бар. Жол ақысы мен тамақтану — тегін. Қатысушылар қатарына 14 пен 35 жас аралығындағы жастар қабылданады, – деді орталықта.

10 маусымда Железин ауданында орналасқан тарихи-өлкетану музейі, 17 маусымда Баянауыл ауданындағы Мәшһүр Жүсіп Көпейұлының кесенесі, 19 маусымда Шарбақты ауданындағы тарихи-өлкетану музей, 24 маусымда Май ауданындағы «Қалмаққырылған жері», 26 маусымда Аққулыдағы Мерғалым ата кесенесіне, 1 шілдеде Екібастұз қаласындағы тарихи-өлкетану музейіне сапарлар ұйымдастырылады. Автобустар таңғы сағат 08:00-де жолға аттанады.

Орындар саны шектеулі.