Спорттық нысанның ашылуы Астана күніне орай өткізілді, деп хабарлайды @Pavlodarnews.kz тілшісі.

Салтанатты рәсім Ақтоғай ауданы әкімінің орынбасары Ермек Машрықов пен ауыл ағасы Темірхан Адамовтың қатысуымен өтті. Олар жасыл алаңның тұсауын кесіп, ауылдастарды айтулы қуанышпен құттықтады.

Жаңабеттіктер үшін қос бірдей мереке футбол турниріне ұласты. Жарыстың үшінші орны Естай ауылының командасына бұйырды. Финалда Өтес командасы Мүткенов ауылының аяқдопшыларынан басым түсіп, ауыспалы Кубокты жеңіп алды.

Турнирдің «Үздік қақпашысы» естайлық Бексұлтан Қайдаров атанды, «Үздік қорғаушы» – Мерхат Қайырбаев (Мүткенов), «Үздік сұрмерген»  – Ерғанат Жұмабек (Өтес), «Турнирдің үздік ойыншысы» – Елнұр Мүбәраков (Жаңабет) болды.