Ерекше балалар фестивалі «Қазақстан балалары: қуаныш пен үміт күні» ұранымен өтті, деп хабарлайды @Pavlodarnews.kz тілшісі.

Шараның басты кейіпкерлері балалар болды. Олар сахналық, спорттық және шығармашылық алаңдарда өз өнерлерін көрсетіп, көпшіліктің ыстық ықыласына бөленді. Фестиваль барысында жас өнерпаздар сүйікті балалар әндерін орындап, көрерменге көтеріңкі көңіл-күй сыйлады.

Балаларға арнап түрлі қызықты ойындар ұйымдастырылды. Атап айтқанда, «Қайтала», «Көңілді бубен» ойындары, сондай-ақ айқайлап ойнайтын және интеллектуалдық тапсырмалардан тұратын ойындар өткізілді.

Іс-шара бірнеше ойын-сауық аймағына бөлінді. Бірінші аймақта балалар «кемпірқосақ туннелі» кедергісінен өтіп, сақиналарды бағандарға лақтырды. Екінші аймақта арнайы шаңғы тәрізді құралдармен қашықтықты еңсеріп, доптарды арнайы маталар арқылы қағып алумен айналысты. Үшінші аймақ «цирк алаңы» ретінде безендіріліп, онда клоундармен түрлі ептілік сайыстары ұйымдастырылды. Төртінші аймақта балалар «Алып футбол» ойынына қатысып, үлкен доппен ойнаса, қаппен жүгіру сайысына да белсене қатысты. Ал бесінші аймақ шығармашылыққа арналды.

Шығармашылық алаңында балаларға мольберттер мен бояулар ұсынылып, олар өз армандарын қағаз бетіне бейнеледі.