Жеңіс рухын гүлмен дәріптеген павлодарлық оқушылар мектеп ауласын барқытгүлмен көмкерді, деп хабарлайды @Pavlodarnews.kz тілшісі.

Дарынды балаларға арналған Абай атындағы гимназияның баспасөз қызметінің мәліметінше, 9-сыныптың 25 оқушысы «Жеңіс діңгегі» атты челленджге қатысты.

– Бұл челлендждің мақсаты – Ұлы Жеңісті ұлықтап, оқушылардың бойында патриоттық сезім қалыптастыру. Гүлдерді оқушылардың ата-аналары демеушілікпен алып келді. Олар барқытгүлдер, – деді мектеп директорының тәрбие ісі жөніндегі орынбасары Жазира Омарханова.

Челлендж аясында оқушылар мектеп ауласында Ұлы Жеңістің 80 жылдығына орай 80 түп гүл отырғызды.

Жеңіс үшін шайқасты ата-баба,

Бейбіт күнге жеттік біз сан арманға.

Сол рухпен біз бүгін бірлік үшін,

Салдық тағы сексен гүл алаңдарға, —

деп өлең жолдарын оқыды оқушылардың бірі.

Абай атындағы гимназия «Жеңіс діңгегі» челленджін Қаныш Сәтбаев атындағы дарынды балаларға арналған мамандандырылған гимназиядан қабылдап алып, эстафетаны №8 гимназияға жолдады.

Посмотреть эту публикацию в Instagram

Публикация от «Дарынды балаларға арналған Абай атындағы гимназия» КММ (@abai_gymnasium)