Бұрын мұндай операцияларды жүргізу кезінде жүктілікті тоқтатуға тура келген, деп хабарлайды @Pavlodarnews.kz тілшісі.

Облыстық кардиологиялық орталықтың мәліметінше, өңірде  алғаш рет жүкті жас әйелге жүктілікті сақтай отырып, жасанды қан айналымы жағдайында жүрекке жоспарлы ота жасалды. 

– Науқасқа балалық шақта туа біткен жүрек ауруы диагнозы қойылған, бұл – өте сирек кездесетін ақау. Бірнеше рет  Новосібірдегі Академик Е. Н. Мешалкин атындағы зерттеу орталығынан кеңес алған. Клапан өз қызметін атқарып тұрғандықтан, операцияға ешқандай көрсеткіш болмаған. Белсенді өмір салтын ұстанып, спортпен шұғылданған, – дейді орталықта. 

Дегенмен аурудың ағымы жүктілікті қиындатқан. Клапан өз функциясымен күресуді тоқтатып, IV дәрежелі АК жеткіліксіздігі диагнозы қойылған және ана мен баланың өміріне қауіп төнген. 

19 жастағы тұрғынға жүктіліктің 16 аптасында жүрегіне операция қажет болды. Науқастың жасын және алғашқы жүктілігін ескере отырып, гинекологтармен бірге барлық тәуекелдерді ескере отырып, Бентал де Боно операциясы жасалды. 

– Операция кезінде жүрек-өкпе айналымы қосылып, науқастың денесі салқындайды да, төмен температура баланың өміріне қауіп төндіреді. Сондай-ақ, қанның оттегімен қанығуының төмендеуі байқалады, органдар мен жүйелердің тіндерінің қоректенуі зардап шегеді және балада гипоксия болуы мүмкін. Сондықтан операцияны өте қысқа мерзімде орындау қажет болды, – дейді ақ желеңділер.

Операцияның барлық кезеңдерінде баланың жағдайына бақылау жүргізілді және бала үшін ең қолайлы температура сақталды. Операция екі сағатқа созылды, жасанды қан айналымы 80 минутта жасалды. Операция сәтті өтіп, жүктілік сақталды, болашақ ана үйіне оралды.

Айта кетерлігі, жоғары технологиялық операция МӘМС  шеңберінде жүргізілді.