Тегін курстар 5 ақпанда басталады, деп хабарлайды  @Pavlodarnews.kz тілшісі.

«AMANAT» партиясы облыстық филиалы баспасөз қызметінің мәліметінше, жыл соңына дейін партиялықтар ҚР Үкіметімен бірлесіп, мұндай курстарды Павлодар қаласында, Аққулы, Успен және Ақтоғай аудандарында өткізеді. Облыстың барлық қалалары мен аудандарында оқыту жүргізу және Ертіс өңірінің 6,5 мыңнан астам тұрғынын оқытумен қамту жоспарланып отыр. 

–  «Қарызсыз қоғам» – «AMANAT» партиясы Қазақстан Республикасының Үкіметімен бірлесіп бастамашылық жасаған және халықтың қаржылық сауаттылығы жөніндегі құзыреттерді арттыруға бағытталған жоба. 2023 жылы еліміздің сегіз өңірінде 65 000 адам оқудан өтті, –  дейді партияда.  

Оқытуға қатысуға және кеңес алуға кез келген адам қатыса алады. Бірінші кезекте кредиттер бойынша берешегі бар және борышкерлер тізіліміндегі азаматтарға, сондай-ақ ағымдағы кредиттері мен банктік мерзімі өткен адамдарға басымдық беріледі. 

Оқу барысында тәжірибелі тәлімгерлер отбасылық бюджетті жүргізуді, өз шығындарын басқаруды үйретеді, қатысушылар депозиттердің әртүрлі шарттарымен танысады, кредиттік қарыздарды мерзімінен бұрын өтеу бойынша ұсыныстар ала алады, өздері үшін тиімді шарттармен кредиттерді таңдауды, ірі сатып алуларды жоспарлауды үйренеді. Бұдан басқа, оқыту шеңберінде қаржы сарапшылары жеке консультациялар өткізетін болады, ал қатысушылардың қалауы бойынша өз бизнесін ашу үшін мемлекеттік гранттық және кредиттік бағдарламаларға қатысу үшін бизнес-жоспар әзірлеуге көмектеседі. Егер шоттар бұғатталса, қарыз коллекторлық компанияға сатылса немесе несиелік қарызды қайта құрылымдау қажет болса, кез келген адам тегін негізде білікті заңгердің көмегін ала алады. 

«Қарызсыз қоғам»  жобасы шеңберінде оқуға өтінімдерді қабылдау тұрғылықты жері бойынша «AMANAT» партиясының филиалдарында жүргізіледі. Оқу курсының бағдарламасы төрт-бес күнге есептелген, қатысушылар алған барлық білімдері мен практикалық материалдарын болашақта отбасылық бюджетті жоспарлау үшін немесе жұмыс орындарында қолдана алады. 

Бүгінде 6,3 миллионға жуық қазақстандықтың банктерде өтелмеген несиелері бар. Тағы 1,2 миллион қазақстандық микроқаржы ұйымдарында несие алды. Бұл азаматтардың әлеуметтік әл-ауқатына әсер етеді. Қолжетімді несиелер, қаржы ұйымдарының жоғары пайызы, ең бастысы, қаржылық сауаттылықтың төмендігі жыл сайын халықтың қарыздарының өсуін арттырады. 

«Қарызсыз қоғам» жобасы – барлық қазақстандықтар үшін қаржылық білім алудың қарапайым әрі қолжетімді тәсілі. Нәтижесінде бұл қоғам мен жалпы экономиканың ұзақ мерзімді тұрақты дамуына ықпал етеді.