Болжам бойынша облыстың басым бөлігінде ауаның орташа айлық температурасы климаттық нормадан 1 градусқа жоғары болады, деп хабарлайды @Pavlodarnews.kz тілшісі.

«Қазгидромет» РМК мамандарының мәліметінше, қазан айының басында күндіз ауа температурасы +21 градусқа дейін жылынып, түнде +7 градусқа дейін жетеді. Одан кейін күн суытып, түнде -5…-10 градусқа, күндіз +6…+11 градусқа дейін төмендейді.

Айдың ортасына қарай ауа температурасы қайта көтеріледі. Түнде -5…-10 градустан 0…+5 градусқа дейін, ал күндіз +13…+18 градусқа дейін жылынады.

20 қазаннан кейін түнгі температураның тұрақты түрде төмен болуы болжануда: -1…-6 градусқа дейін, ал күндіз +6…+11 градус шамасында болады. Қазан айының соңына дейін температура құбылып тұрады. Ай соңында түнде -3…-8 градусқа дейін суытып, күндіз +2…+7 градус болады.

Қазан айының ортасында жаңбыр аралас қар жауып, көктайғақ болуы мүмкін. Сондай-ақ қазан айында желдің жылдамдығы жиі секундына 15-20 метрге дейін жетеді деп күтілуде.