Ауа райы бұлтты әрі салқын болады, деп хабарлайды @Pavlodarnews.kz тілшісі.

«Қазгидромет» РМК мамандарының мәліметінше, Павлодар облысы бойынша түнгі уақытта ауа температурасы –8…–16°C дейін төмендесе, күндіз –2…–5°C аралығында болады. Кей аудандарда қар жауып, көктайғақ болуы мүмкін.

Павлодар қаласында күндіз ауа температурасы шамамен –5°C шамасында сақталады.

Таңертең және күндіз –5°C шамасында болып, аздаған қар жаууы ықтимал. Кешке қарай ауа температурасы –6°C, ал түнде –8°C дейін төмендейді. Жел оңтүстік-батыс бағыттан секундына 3–4 метр жылдамдықпен соғады.

Синоптиктер жолда абай болуды және ауа райының өзгеруіне байланысты сақтық шараларын ұстануды ескертеді.