Дереу шақыруға шыққан өрт сөндірушілер үш өрт ошағын анықтады, деп хабарлайды  @Pavlodarnews.kz тілшісі.

Жергілікті жерде ТЖД, ЖҚМ, ЖАО күштері мен құралдары, ерікті өртке қарсы құрылымдар жұмыс істеді. Барлығы 55 адам және сегіз техника жұмылдырылды. Сондай-ақ, ұшу аппаратының көмегімен барлау жұмыстары жүргізілді. 

– Өрт болған жер арал тәріздес болғандықтан, өрт сөндіру көліктері өте алмай, сөндіру жұмыстары қиындай түсті. Жүзу құралдары қолданылды. Жаяу жүріп сөндірілді, – дейді департаментте.

Өрт сөндірушілер мен басқа да қызметтердің үйлесімді және тиімді әрекеттерінің нәтижесінде өрттің орман қорына таралуына жол берілмеді. Елді мекендерге қауіп жоқ.

Өрт 21.20-да 45 га алаңда ауыздықталды.

Өртті толықтай жою бойынша шаралар қабылдануда.