60 жастағы тұрғын қоңырау арқылы айтылған сөздерге сеніп, кодты айтып жіберген, деп хабарлайды @Pavlodarnews.kz.

Учаскелік полиция инспекторларының қырағылығы мен жедел әрекеттерінің арқасында Борықтал ауылының тұрғынына қатысты кезекті алаяқтық жағдайдың алдын алуға мүмкіндік туды.

60 жастағы тұрғынға белгісіз адам қоңырау шалып, өзін ХҚКО қызметкері ретінде таныстырды. Жалған ақпаратқа сеніп қалған ер адам СМС-кодты жіберіп, кейін күмәнданып, кеңес алу үшін полицияға уақтылы жүгінді.

Тәртіп сақшылары дереу сол жерге келіп, азаматпен әңгіме жүргізіп, бұл телефон алаяқтығының әдеттегі схемасы екенін растады. Сондай-ақ ер адамға несиелер мен микроқарыздардан өз еркімен бас тартуға өтініш беруге көмектесті. 

Ақсу қаласы полиция бөлімінің учаскелік инспекторларының әрекеттерінің арқасында ер адам қаржылық шығындардан құтылды. 

Полиция қызметкерлері ХҚКО-ның нағыз қызметкерлері ешқашан телефон арқылы СМС-кодтарды хабарлауды сұрамайтынын түсіндірді. Сондай-ақ, тұрғынға алаяқтықты алдын алу жөнінде жадынама табысталды.