Партияға 50-ден астам жаңа адам қосылды, деп хабарлайды @Pavlodarnews.kz.

Естай атындағы мәдениет сарайында «AMANAT» партиясына жаңа мүшелерді қабылдау  рәсімі өтті.  Партияға 50-ден астам жаңа мүше енді. Олардың қатарында «ЭХО ГОР» Кавказ би студиясының негізін қалаушысы Иман Салиханов, пауэрлифтингтен 2022 жылғы әлем чемпионы Әсел Нүркенова және Ертісте батқан балаларды құтқарған Асан Асайынов секілді азаматтар бар. 

Партияның қалалық филиалының атқарушы хатшысы, партияның қалалық мәслихаттағы депутаттық фракциясының басшысы Санира Жүсіпова жаңа «аманаттықтарды»  бұл маңызды қадаммен құттықтап, еңбектеріне табыс тіледі.

Өз кезегінде, «ЭХО ГОР» Кавказ би студиясының негізін қалаушысы Иман Салиханов Мемлекет басшысы мен партияластардың сенімін ақтауға және елдің гүлденуі үшін барынша тырысатынын айтты.

Жастарды «Ақсу» футбол клубының өкілдері де келіп құттықтады. Салтанатты рәсім мерекелік концертке ұласты. Жаңадан қосылған партия мүшелері би билеп, ән шырқады.