Облыс әкімі Асайын Байханов Баянауыл ауылында және Шідерті мен Қалқаман кенттерінде тұратын Ұлы Отан соғысының қатысушыларын құттықтады, деп хабарлайды Pavlodarnew.kz.

Облыс әкімі баспасөз қызметінің мәліметінше, Асайын Байханов ақсақалдарды келе жатқан Жеңіс күнімен құттықтап, мықты денсаулық, рухтарының мұқалмауын және ұзақ ғұмыр тіледі.

- Ел үшін ең қиын жылдары сіздер туған жерді қорғаудың үлгісін көрсеттіңіздер. Сіздердің еңбек жолдарыңыз көптеген адамдар мақтаныш бола алады. Сіздерге мың алғыс айтамыз, - деді аймақ басшысы.

Ардагерлер сол кездегі оқиғалар туралы айтып, ақылдарымен бөлісті, өздеріне көңіл бөлгені үшін алғыстарын айтып, тілектерін жеткізді.