«Восточный» шағын ауданының тұрғындары халық қалаулыларына № 3 маршрутқа қатысты  шағыммен жүгінді, деп хабарлайды  @Рavlodarnews.kz тілшісі.

VIII сайланған Павлодар қалалық мәслихатының депутаты Елена Яровенко таңғы сағат 7.00-де көлік қозғалысына мониторинг жүргізуге шығып,  тұрғындардың шағымына көз жеткізді.

– Бірінші шағын автобус сағат 7.05-те келсе, келесісі сағат 7.32-де бір-ақ жетті. Ал бұл – нағыз қарбалас уақыт. Автобус маршруттарының қатынау уақыты әлеуметтік желілерде кеңінен талқыланады. Тұрғындар аялдамаларда өз автобусын 30-40 минут күтуі керек, бірақ оның өзінде ішіне кіре алмайсыз, себебі адам толып тұрады. Нәтижесінде олар жұмысқа, ал балалар мектепке кешігіп келеді,  – деп жазды Елена Яровенко Іnstagram парақшасында.

Депутат автобус интервалының 30 минутқа созылуы тұрғындардың наразылығын тудыруы орынды екенін атап өтті. 

– Бұл қаладағы аялдамаларда ұзақ уақыт күтуге тура келетін жалғыз маршрут емес. Алда қақаған аяздар болатын қыс келе жатыр. Менің ойымша, № 3 бағыт әлеуметтік бағыт ретінде өзгертілуі керек, сондықтан бұл бағытқа маршруттық такси емес, автобус бөлінгені дұрыс және қозғалыс аралығын қысқарту қажет, – деді Елена Яровенко.

Сондай-ақ ол аталған мәселе бойынша ТКШ бөліміне депутаттық сауал жолданғанын хабарлады. 

ТҮКШ ЖК және АЖ бөлімінде ағымдағы жылдың 16 маусымында қолданыстағы заңнамаға сәйкес облыстық жолаушылар көлігі және автомобиль жолдары басқармасына №3 бағыттағы маршрутты әлеуметтік маңызы бар хабарламалар тізбесіне енгізуге өтінім берілгенін хабарлады. 

Әлеуметтік желі қолданушылары бұл бағыттағы автобус 30-40 минут күтетінін, адам толы шағын автобус тоқтамай өтіп кетуіне байланысты бірнеше автобуспен жетуге тура келетінін жазған. 

Посмотреть эту публикацию в Instagram

Публикация от Elena Yarovenko (@elenayarovenko2900)