Төтеншеліктер мұзға шығу өте қауіпті және қайғылы жағдаймен аяқталуы мүмкін екенін ескертеді, деп хабарлайды @Pavlodarnews.kz тілшісі. 

Облыстық ТЖД баспасөз қызметінің мәліметінше, 5 сәуірде сағат 14.13-те Сабындыкөл көлінде 1956 жылы туған ауыл тұрғыны мұздың астына түсіп кеткен. Абырой болғанда оқиға орнынан табылған куәгер жедел әрекет етіп, қайғылы жағдайға жол берілмеген.  

Департаментте құтқарылған балықшы өз өмірін ғана емес, оған көмектесуге келгендердің өмірін де қатерге тігетінін еске салады. Мұндай жағдайлар арнайы дайындығы мен құтқару құралдары жоқ кездейсоқ куәгерлер үшін өте қауіпті.