«Біргеміз Екібастұз» еріктілері еркін форматта басқосу ұйымдастырды, деп хабарлайды @Pavlodarnews.kz тілшісі.

Екібастұз қаласының белсенді жастарынан құралған еріктілер Екібастұз қаласының «Өмірлік қиын жағдайдағы балаларды қолдау» орталығының бүлдіршіндерімен кездесу өткізді.

Волонтерлер ассоциациясының жастары аталмыш кездесуде арнайы ұсынған дәмді пиццалар тарту етті. 

– Қайырымдылық – бұл елімізге тән дәстүрлердің бірі. Ата-бабаларымыз жақын адамдарға жақсылық жасау ұғымын жақсы түсінсе, қазіргі таңда қайырымдылық әрбір азаматтың борышына айналды, – дейді ұйымдастырушылар.

Сондай-ақ, іс-шара барысында ерікті жастарымыз интеллектуалды ойындар ойнатып, бүлдіршіндердің көңіл күйін көтерді.