Екібастұзда бастауыш сыныптардың сабақтары онлайн форматқа ауыстырылды
5 желтоқсан күні екінші ауысымдағы сабақтар қашықтықтан ұйымдастырылады, деп хабарлайды @Pavlodarnews.kz тілшісі.
Ауа райының қолайсыз болуына байланысты 0-4-сыныптар қашықтықтан оқиды.
Еске сала кетейік, Павлодар облысында ауа райының нашарлауына байланысты ескерту жарияланған болатын.
Қызылорда – Павлодар – Успен – РФ шекарасында 1370-1135 км (Ленин кентінен Қарағанды облысы шекарасына дейін) автомобиль жолының учаскесінде сағат 09-20-дан бастап қозғалысқа шектеу енгізілді.
Сондай-ақ Беловка – Қалқаман учаскесі жабылды.
